উত্তৰ প্ৰদেশৰ ৰামপুৰ শ্বাহবাদ অঞ্চলৰ অনুভৱ গাঁৱত বাস কৰা চাৰিটা হিন্দু পৰিয়াললৈ আহিছে তেওঁলোকক হত্যাৰ ভাবুকি। তেওঁলোকে লাভ কৰিছে হত্যা কৰাৰ ভাবুকি দিয়া এখন পত্ৰ। চিঠিখন উৰ্দু, আৰবী আৰু ইংৰাজীত লিখা হৈছে। চিঠিখনৰ ওপৰত নাম আছে ISIS-ৰ। পত্ৰখন লাভ কৰাৰ পিছতেই এতিয়া পৰিয়ালসমূহৰ মাজত আতংকৰ সৃষ্টি হৈছে।
পত্ৰখনত এখন মানচিত্ৰ আৰু পেন ড্ৰাইভৰ বিষয়েও উল্লেখ কৰা হৈছে আৰু কোৱা হৈছে যে যদি তেওঁলোকে এই বস্তুবোৰ নাপায়, তেওঁলোকে গাওঁখনক ছাৰিন গেছৰে আক্ৰমণ কৰিব।
উল্লেখযোগ্য যে ছাৰিন হৈছে সেই গেছ যাৰ দ্বাৰা চিৰিয়াৰ দামাস্কাচত আক্ৰমণ সংঘটিত হৈছিল। এই গেছে এজন ব্যক্তিক ১৫ মিনিটত হত্যা কৰে। ইয়াক চাইনাইডতকৈ বেছি বিপদজনক বুলি কোৱা হয়। পত্ৰখন পোৱাৰ পিছত, এতিয়া স্থানীয় আৰক্ষীৰ লগতে চোৰাংচোৱা সংস্থাবোৰ সতৰ্ক হৈ পৰিছে আৰু ঘটনাটোৰ তদন্ত কৰি আছে।
ৰামপুৰৰ শ্বাহবাদ তহচিলৰ অনুভৱ গাঁৱত বাস কৰা চাৰিটা হিন্দু পৰিয়ালক ভাবুকিপূৰ্ণ পত্ৰ পোৱাৰ পিছত সমগ্ৰ অঞ্চলটো এতিয়া শংকিত হৈ পৰিছে। পত্ৰখন ৰঙা কাপোৰত মেৰিয়াই থোৱা আছিল। চাৰিটা পৰিয়ালৰ নাম আছে পত্ৰখনত। এই পত্ৰখনৰ ওপৰত ISIS-ৰ নাম লিখা আছে।
পত্ৰখনৰ লেখকে কৈছে যে তেওঁ সন্ত্ৰাসবাদী সংগঠনটোৰ সৈতে জড়িত। পত্ৰখনত আনকি কোৱা হৈছিল যে যদি তেওঁলোকৰ দাবী পূৰণ নহয়, তেওঁলোকে গাওঁখন আৰু এই পৰিয়ালবোৰক বিষাক্ত গেছৰে আক্ৰমণ কৰিব।
এই পত্ৰখনত বহুতো কথা লিখা আছে। মৃত্যুৰ ভাবুকিৰ লগতে ইয়াত কোৱা হৈছে যে যদি হিন্দু পৰিয়ালবোৰে পত্ৰ প্ৰেৰণ কৰা সকলক পেন ড্ৰাইভ আৰু মানচিত্ৰ নিদিয়ে, তেন্তে তেওঁলোকক হত্যা কৰিব।
আৰক্ষীয়ে এই ঘটনাৰ সন্দৰ্ভত মন্তব্য কৰিছে যে এই পৰিয়ালবোৰ কৃষক। তেওঁলোকৰ ঘৰৰ কোনেও সেনা বা কোনো চোৰাংচোৱা বিভাগৰ সৈতে জড়িত নহয় যাতে তেওঁলোকৰ ওচৰত দেশৰ ভিতৰৰ পৰা কোনো তথ্য থাকে। অৱশ্যে আৰক্ষীয়ে এতিয়া গাওঁখনত নিৰাপত্তা বৃদ্ধি কৰি আছে। গোচৰটোৰ গুৰুত্ব বুজি পাইছে আৰু চোৰাংচোৱা সংস্থাসমূহকো অৱগত কৰিছে।
