মেগাষ্টাৰ অমিতাভ বচ্চনে বুধবাৰে কৈছিল যে তেওঁৰ জনপ্ৰিয় কুইজ ৰিয়েলিটি শ্ব’ ‘কৌন বনেগা কৰোড়পতি’ৰ (KBC) আগন্তুক ছিজনটোৱে দেশৰ বিভিন্ন ক্ষেত্ৰৰ লোকসকলৰ সাফল্যৰ ওপৰত আলোকপাত কৰিব। ৭৯ বছৰীয়া প্ৰবীণ তাৰকাগৰাকীয়ে দীৰ্ঘদিন ধৰি চলি থকা অনুষ্ঠানটোৰ চিজন ১৪ ৰ প্ৰিমিয়াৰৰ পূৰ্বে এক প্ৰেছ অনুষ্ঠানত ভাষণ দি কৰে এই মন্তব্য।
“এই বৰ্ষত আমি সকলো দিশৰ পৰা প্ৰতিযোগী পাইছো, যিসকলে এই দেশৰ উন্নয়নৰ ক্ষেত্ৰত অৱদান আগবঢ়াইছে। আমি অনুষ্ঠানটোৰ জৰিয়তে দৰ্শকসকলক তেওঁলোকৰ বিষয়ে জনাব বিচাৰো,” বচ্চনে সাংবাদিকৰ সন্মুখত কয়।
২০১৩ চনত চিজন ৭-ৰ পৰা ‘KBC’ৰ শীৰ্ষ পুৰস্কাৰ আছিল ৭ কোটি টকা আৰু ভাৰতৰ স্বাধীনতাৰ ৭৫ বছৰ উদযাপন কৰিবলৈ ২০২২ চনত ১৪ বছৰত ইয়াক ৭.৫ কোটি টকালৈ বৃদ্ধি কৰা হৈছিল। অনুষ্ঠানটোত এগৰাকী অতিথি তথা এজন ভাৰতীয় সেনা বিষয়াৰ উদাহৰণ দাঙি ধৰি অভিনেতাজনে কয় যে তেওঁৰ দেশৰ বাবে ত্যাগৰ বিষয়ে জানি আচৰিত হৈছিল।
“সেনাগৰাকীয়ে কৈছিল যে তেওঁৰ ভিতৰত এতিয়াও ৪৩ টা গুলী আৰু চাৰ্প আছে। তেওঁ কৈছিল যে কেনেকৈ তেওঁ শত্ৰুসকলৰ সৈতে সাহসেৰে যুঁজি থকাৰ সময়ত এই সকলোবোৰ বুকুত পাতি লৈছিল”।
উদ্যোগীসকলৰ পৰা ইউটিউবৰ প্ৰভাৱশালী ব্যক্তিলৈকে বচ্চনে কৈছিল যে বিভিন্ন পথৰ লোকসকলে অনুষ্ঠানটোত অংশগ্ৰহণ কৰা দেখি আনন্দিত হৈছে। এজনৰ ষ্টাৰ্ট-আপ আছে, আন এজন অধ্যাপক আছিল আৰু তাৰ পিছত এগৰাকী শিক্ষাৰ্থীও। এইসমূহে দেখুৱায় যে আমাৰ দেশখন কেনেকৈ বৃহৎ গতিত বিকশিত হৈছে।
“মই তেওঁলোকক সাক্ষাৎ কৰি আৰু তেওঁলোকক এখন মঞ্চ দি অনুপ্ৰাণিত হওঁ। মই বহুত আনন্দিত যে মই তেওঁলোকৰ সৈতে বাৰ্তালাপ কৰিবলৈ সুবিধা পাওঁ”- বচ্চনে এনেদৰে কয়।প্ৰতিযোগীসকলক অনুষ্ঠানটোৰ ‘গৌৰৱ’ বুলি অভিহিত কৰি অভিনেতাজনে কয় যে তেওঁলোকৰ কাহিনীয়ে ‘KBC’ক বিশেষ কৰি তোলে। তেওঁ বৰ্ণনা কৰি কয়, “মোৰ কাম হৈছে কেৱল প্ৰশ্ন কৰা কিন্তু জীৱনৰ প্ৰতি তেওঁলোকৰ যি কৌতূহল আছে আৰু তেওঁলোকৰ ওচৰত থকা উত্তৰবোৰ প্ৰশংসা কৰাৰ যোগ্য।”
চুপাৰষ্টাগৰাকীয়ে কৈছিল যে ‘KBC’ত এজন প্ৰতিযোগীৰ বিজয় গোটেই দলটোৰ বাবে উদযাপনৰ মুহূৰ্ত। “প্ৰতিযোগী এজনে ভাল প্ৰদৰ্শন কৰাৰ সময়ত আমি সকলোৱে প্ৰশংসা কৰো। যেতিয়া আমি বিৰতিৰ বাবে সময় লওঁ বা অনুষ্ঠানটোৰ শেষত গোটেই কৰ্মচাৰীসকল প্ৰতিযোগীৰ ওচৰলৈ আহে। এইটো ৰোমাঞ্চকৰ কিয়নো তেওঁলোকে প্ৰতিযোগীজনে কিমান ভাল কৰিছিল সেই বিষয়ে বৰ্ণনা কৰে। তেওঁলোক হৈছে প্ৰকৃত নায়ক,” তেওঁ লগতে কয়।
