স্বাভাৱিক নহয় কণ্ঠশিল্পী কেকেৰ মৃত্যু। তেওঁৰ মুখ আৰু মূৰত আঘাতৰ চিহ্ন পোৱা গৈছে। যেতিয়া কে.কে.-ক চিকিৎসালয়লৈ লৈ যোৱা হৈছিল, তেওঁৰ মূৰত আঘাতৰ চিহ্ন আছিল। অৱশ্যে এই সকলোবোৰ মৰণোত্তৰ পৰীক্ষাৰ পিছতহে উন্মোচিত হ’ব।
জনপ্ৰিয় গায়ক কেকেৰ মৃত্যুৰ ঘটনাই লৈছে এক নতুন ৰূপ । তেওঁৰ মৃত্যুৰ পিছত আৰক্ষীয়ে এটা গোচৰ ৰুজু কৰিছে। নিউ মাৰ্কেট আৰক্ষীয়ে কেকেৰ অস্বাভাৱিক মৃত্যুৰ গোচৰ ৰুজু কৰিছে। ইয়াৰ পিছতে আয়োজক আৰু হোটেলৰ কৰ্মচাৰীসকলো সন্দেহৰ আওতালৈ আহিছে। এইটো কোৱা হৈছে যে আৰক্ষীয়ে তেওঁলোকক হয়তো জেৰা কৰিব পাৰে।
কলকাতাত এটা লাইভ শ্ব’ৰ সময়ত তেওঁৰ স্বাস্থ্যৰ অৱনতি ঘটিছিল। তাৰ পিছত তেওঁ হোটেললৈ গৈ মজিয়াত পৰি গৈছিল বুলি কোৱা হৈছে। তাৰ পিছত তেওঁক চিকিৎসালয়লৈ লৈ যোৱা হয়, য’ত চিকিৎসকে তেওঁক মৃত বুলি ঘোষণা কৰে। এতিয়া পোহৰলৈ আহিছে যে কেকেৰ মৃত্যু স্বাভাৱিক নহয়। অপ্ৰাকৃতিক ভাৱে হৈছিল। কিয়নো তেওঁৰ মুখ আৰু মূৰত আঘাতৰ চিহ্ন আছিল।
তথ্য অনুসৰি, কিছু সময়ৰ পিছত তেওঁৰ মৰণোত্তৰ পৰীক্ষা SSKM চিকিৎসালয়ত আৰম্ভ হ’ব। পৰিয়ালৰ সন্মতি পোৱাৰ পিছত জেৰা আৰু মৰণোত্তৰ পৰীক্ষা কৰা হ’ব। ইতিমধ্যে কেকেৰ পত্নী আৰু পুত্ৰ কলকাতাত উপস্থিত হৈছে।
গায়ক কেকেৰ সম্পূৰ্ণ নাম কৃষ্ণকুমাৰ কুন্নাথ। সংগীত জগতৰ এজন বিখ্যাত গায়ক, কে.কে.-য়ে তেওঁৰ কণ্ঠত বহুতো গান গাইছিল। কেকেয়ে হিন্দীৰ উপৰিও অসমীয়া, মাৰাঠী, বঙালী, গুজৰাটী, তেলেগু, মালায়ালম, কানাড়া আৰু তামিল গীতৰ বাবে কণ্ঠ দান কৰিছে। তেওঁৰ কণ্ঠই সকলোৰে হৃদয় স্পৰ্শ কৰিছিল।
