ঝাৰখণ্ডৰ বৰকাগাঁওৰ হিন্দু কন্যা সুমন কুমাৰী আৰু তেওঁৰ নাবালক ভগ্নীক বলপূৰ্বক ধৰ্মান্তৰিত কৰাৰ প্ৰচেষ্টা মুছলমানৰ। ঘটনাৰ তথ্য অনুসৰি ১০ আগষ্টত গাওঁৰ মুৰব্বী ৱাছিন, তেওঁৰ পুত্ৰ আৰু আন বহুতো লোক নিশা প্ৰায় ৮.৩০ বজাত কিৰণ দেৱীৰ বাসগৃহলৈ আহিছিল আৰু তেওঁৰ দুগৰাকী কন্যাক বলপূৰ্বক ভাৱে আপত্তিজনক ভাষা ব্যৱহাৰ কৰি লৈ গৈছিল আৰু ইছলাম ধৰ্ম গ্ৰহণ কৰিবলৈ হেঁচা দিছিল। যদিহে ইছলাম ধৰ্ম গ্ৰহণ নকৰে তেন্তে তেওঁলোকক হত্যা কৰাৰ ভাবুকি দিছিল।
ঘটনাৰ পিছৰ দিনা কিৰণ দেৱীয়ে পঞ্চায়ত সমিতিৰ সদস্য শবনম পাৰবীনৰ স্বামী সদৰ মহম্মদ হালিল, সম্পাদক অধ্যাপক ফাৰজুদ্দিন আৰু মহম্মদ ইৰফানক সম্প্ৰদায়ৰ আনসকলৰ সৈতে লগ কৰি বিষয়টোৰ সন্দৰ্ভত অভিযোগ দাখিল কৰিছিল। যেতিয়া অভিযুক্তই এই কথা জানিব পাৰিলে তেতিয়া গাঁৱৰ মুৰব্বীসকল পুনৰ ৰাতি কিৰণ দেৱীৰ ঘৰলৈ যায় আৰু কিৰণ দেৱীৰ কন্যাক প্ৰহাৰ কৰে।
সনাতন হিন্দু সমাজ সংগঠনৰ অমন কুমাৰে কৈছিল যে আৰক্ষীয়ে এই বিষয়টোত ব্যৱস্থা গ্ৰহণ কৰা নাই। তেওঁ কৈছিল যে তেওঁ ভুক্তভোগীৰ পৰিয়ালৰ সুৰক্ষা বিচাৰি বৰকাগাওঁ আৰক্ষী থানাত এটা চৰকাৰী অভিযোগ দাখিল কৰিছিল। কিন্তু অভিযুক্তক গ্ৰেপ্তাৰ কৰাৰ অন্তিম তাৰিখ উকলি যোৱাৰ পিছতো আৰক্ষীয়ে কোনো দৃঢ় ব্যৱস্থা গ্ৰহণ কৰা নাছিল। যাৰ বাবে হিন্দু সংগঠনবোৰে পৰিয়ালটোৱে ন্যায় নোপোৱালৈকে অনশনত বহি থকাৰ সিদ্ধান্ত লয়।
অৱশ্যে শেহতীয়াকৈ আৰক্ষীয়ে বিষয়টোৰ তদন্ত আৰম্ভ কৰিছে আৰু এতিয়ালৈকে দুজন লোকক গ্ৰেপ্তাৰ কৰা হৈছে। আৰক্ষী বিষয়া বিনোদ কুমাৰে কয় যে ” আমি অভিযুক্তৰ সৈতে সম্পৰ্কিত স্থানসমূহত বাকীসকলক বিচাৰি উলিয়াবলৈ তালাচী চলাই আছো। মই সকলোকে ন্যায় ব্যৱস্থাৰ ওপৰত বিশ্বাস ৰাখিবলৈ অনুৰোধ জনাইছো। কুমাৰে কৈছিল যে অপৰাধীসকলক শাস্তি দিয়া হ’ব।
