প্ৰধানমন্ত্ৰী কিষাণ যোজনাৰ হিতাধিকাৰীসকলৰ বাবে জৰুৰী খবৰ। কিয়নো আজি অৰ্থাৎ ৩১ জুলাই হৈছে PM কিষাণ আঁচনিৰ অধীনত E-KYC জমা দিয়াৰ অন্তিম তাৰিখ। অৰ্থাৎ প্ৰধানমন্ত্ৰী কিষাণৰ হিতাধিকাৰীসকলৰ বাবে এতিয়া E-KYC সম্পন্ন কৰিবলৈ মাত্ৰ কেইঘণ্টামান বাকী আছে।
যিহেতু চৰকাৰে প্ৰধানমন্ত্ৰী কিষাণ আঁচনিৰ বাবে E-KYC বাধ্যতামূলক কৰিছে। এনে পৰিস্থিতিত যদি এই প্ৰক্ৰিয়াটো সম্পূৰ্ণ নহয় কৃষকসককে কিস্তিৰ ধনৰ পৰা বঞ্চিত হ’ব পাৰে। বৰ্তমানলৈকে E-KYC-ৰ অন্তিম তাৰিখ বৃদ্ধিৰ বিষয়ে চৰকাৰৰ পৰা কোনো আপডেট পোৱা হোৱা নাই। এনে পৰিস্থিতিত আজি কৃষকসকলে E-KYC সম্পূৰ্ণ কৰিব লাগিব।
কৃষকসকলে ঘৰত বহিও অনলাইন E-KYC প্ৰক্ৰিয়া সম্পূৰ্ণ কৰিব পাৰে। অথবা তেওঁলোকে নিকটতম নাগৰিক সেৱা কেন্দ্ৰ (CSC) লৈ গৈও এই কাম সম্পন্ন কৰিব পাৰে।
প্ৰধানমন্ত্ৰী কিষাণ যোজনাৰ হিতাধিকাৰীসকলে প্ৰথমে তেওঁলোকৰ E-KYC সম্পন্ন কৰিবলৈ pmkisan.gov.in প্ৰধানমন্ত্ৰী কিষাণ যোজনাৰ অফিচিয়েল ৱেবছাইটলৈ যাব লাগিব। ইয়াৰ পিছত কৃষকসকলে ৱেবছাইটৰ সোঁফালে ওলোৱা E-KYC বিকল্পত ক্লিক কৰিব লাগিব।
ইয়াৰ পিছত কৃষকসকলে নিৰ্দিষ্ট স্থানত তেওঁলোকৰ আধাৰ নম্বৰ প্ৰবিষ্ট কৰিব লাগিব। লগে লগে আধাৰ পঞ্জীভুক্ত ম’বাইল নম্বৰত এটা বাৰ্তা আহিব। কৃষকসকলে বাৰ্তাটোত OTP পঞ্জীয়ন কৰিব লাগিব। ইয়াৰ পিছত, আপুনি ‘দাখিল কৰক’ বিকল্পত ক্লিক কৰিব লাগিব। এই প্ৰক্ৰিয়াটো সম্পূৰ্ণ হোৱাৰ লগে লগে, আপোনাৰ একাউণ্টত KYC থাকিব। গতিকে পলম নকৰিব। অন্যথা বঞ্চিত হ’ব এই কিস্তিৰ ধনৰাশিৰ পৰা।
