বৰ্তমানৰ যুগত সকলো ব্যক্তিয়েই কৰে UPI লেনদেন। ভাৰত এতিয়া সৰ্বাধিক সংখ্যক ডিজিটেল পৰিশোধ থকা দেশসমূহৰ তালিকাত স্থান লাভ কৰিছে । যিসকল লোকে প্ৰতিবাৰেই ডিজিটেল পৰিশোধ কৰি থাকে তেওঁলোকে ইয়াৰ বাবদ কোনো মাচুল পৰিশোধ কৰিব নালাগে বুলি ভাবে। কিন্তু ডিজিটেল পৰিশোধ কৰাসকলৰ বাবে বেয়া খবৰ। প্ৰকৃততে RBI -য়ে পৰিশোধৰ ওপৰত মাচুল আৰোপ কৰাৰ প্ৰক্ৰিয়াৰ ওপৰত কাম আৰম্ভ কৰিছে।
RBI-য়ে টুইট কৰি মাচুল আৰোপ সন্দৰ্ভত ৰাইজৰ পৰা মতামত বিচাৰিছিল। যিকোনো নাগৰিকে ৩ অক্টোবৰ, ২০২২-ৰ ভিতৰত তেওঁৰ মন্তব্য প্ৰপত্ৰখনত পূৰণ কৰিব পাৰে বা ইয়াক RBI-ৰ অফিচিয়েল মেইল ঠিকনালৈ প্ৰেৰণ কৰিব পাৰিব।
ভাৰতীয় ৰিজাৰ্ভ বেঙ্কে জাৰী কৰা আলোচনা পত্ৰখনত পৰিশোধ প্ৰণালীৰ সৈতে সম্পৰ্কিত সকলো দিশ যেনে তাৎক্ষণিক পৰিশোধ সেৱা (IMPS), ৰাষ্ট্ৰীয় ইলেক্ট্ৰনিক পুঁজি স্থানান্তৰ (NEFT), ৰিয়েল টাইম গ্ৰছ ছেটেলমেণ্ট (RTGS) প্ৰণালী আৰু একত্ৰিত পৰিশোধ আন্তঃপৃষ্ঠ (UPI) আৰু বিভিন্ন পৰিশোধ সঁজুলিৰ দৰে মাচুল অন্তৰ্ভূক্ত কৰা হৈছে।
ভাৰতীয় ৰাষ্ট্ৰীয় পৰিশোধ নিগমৰ তথ্য অনুসৰি ৩৩৪ টা বেঙ্কে UPI প্ৰণালীৰ ওপৰত কাম কৰি আছে আৰু লেনদেন কৰা ব্যৱহাৰকাৰীৰ সংখ্যা হৈছে ৬৩৮.৮ কোটি। UPI-ৰ জৰিয়তে প্ৰায় ৫০ শতাংশ লেনদেন ২০০ টকাতকৈ কম মূল্যত কৰা হৈছে।
