নৱ নিৰ্বাচিত ৰাষ্ট্ৰপতি দ্ৰৌপদী মুৰ্মুৱে আজি ভাৰতৰ ১৫ তম ৰাষ্ট্ৰপতি হিচাপে শপত গ্ৰহণ ল’ব। কাৰ্যভাৰ গ্ৰহণৰ অনুষ্ঠান সংসদৰ কেন্দ্ৰীয় হ’লত অনুষ্ঠিত হ’ব।
দ্ৰৌপদী মুৰ্মুৱে ভাৰতৰ মুখ্য ন্যায়াধীশ এন ভি ৰমনাৰ উপস্থিতিত শপত গ্ৰহণ কৰিব।
মুৰ্মুয়ে পুৱা ০৮.১৫ বজাত উমা শংকৰ দীক্ষিত লেনত তেওঁৰ অস্থায়ী বাসগৃহৰ পৰা ৰাজঘাটলৈ ৰাওনা হয়।
দ্ৰৌপদী মুৰ্মুক প্ৰধানমন্ত্ৰী নৰেন্দ্ৰ মোদী, উপ-সভাপতি তথা ৰাজ্যসভাৰ অধ্যক্ষ এম ভেংকায়া নাইডু, লোকসভাৰ অধ্যক্ষ ওম বিৰলাই কেন্দ্ৰীয় হ’ললৈ লৈ যায়। মুৰ্মু উপস্থিত হোৱাৰ পিছতেই চেণ্ট্ৰেল হ’লত ৰাষ্ট্ৰীয় সংগীত বজোৱা হয়।
শপত গ্ৰহণ অনুষ্ঠান পুৱা ১০.১৫ বজাত আৰম্ভ হ’ব। তেওঁক ভাৰতৰ মুখ্য ন্যায়াধীশ এন ভি ৰমনাই শপত গ্ৰহণ কৰোৱাব। শপত গ্ৰহণ কৰাৰ পিছত শপত পঞ্জীত স্বাক্ষৰ কৰিব।
পুৱা ১০:২৩ বজাত ভাৰতৰ ১৫ সংখ্যক ৰাষ্ট্ৰপতিয়ে চেণ্ট্ৰেল হ’লত প্ৰথম ভাষণ প্ৰদান কৰিব।
দ্ৰৌপদী মুৰ্মু পুৱা ১০:৫৭ বজাৰ ভিতৰত এক আনুষ্ঠানিক শোভাযাত্ৰাত ৰাষ্ট্ৰপতি ভৱনলৈ উভতি আহিব।
যদিহে বৰষুণ হয়, ৰাষ্ট্ৰপতি ভৱনৰ ফ’ৰকোৰ্টত পৰিকল্পনা কৰা আনুষ্ঠানিক অনুষ্ঠান অনুষ্ঠিত নহ’ব।
উল্লেখযোগ্য যে ২১ জুলাইত ইতিহাস ৰচনা কৰি দেশৰ সৰ্বোচ্চ সাংবিধানিক পদলৈ নিৰ্বাচিত হোৱা প্ৰথম জনজাতীয় নেত্ৰী দ্ৰৌপদী মুৰ্মু।
মুৰ্মু স্বাধীনতাৰ পিছত জন্ম গ্ৰহণ কৰা প্ৰথম ৰাষ্ট্ৰপতি আৰু শীৰ্ষ পদত অধিষ্ঠিত হোৱা আটাইতকৈ কনিষ্ঠ ৰাষ্ট্ৰপতি হ’ব।
