হিন্দু সম্প্ৰদায়ৰ লোকসকলে এতিয়া বাংলাদেশত প্ৰতিবাদ আৰম্ভ কৰিছে। হিন্দুসকলৰ ওপৰত হোৱা আক্ৰমণৰ বিৰুদ্ধে প্ৰতিবাদ বাংলাদেশত। নামাজৰ পিছতেই হিন্দুৰ গৃহত অগ্নি সংযোগ মুছলমানসকলৰ।
বাংলাদেশত হিন্দু সম্প্ৰদায়ৰ ওপৰত হোৱা নিৰন্তৰ আক্ৰমণৰ বিৰুদ্ধে কেইবাটাও সংগঠনে প্ৰতিবাদ আৰম্ভ কৰিছে। বাংলাদেশত হিন্দু সংগঠনসমূহে হিন্দু সম্প্ৰদায়ৰ ওপৰত হোৱা আক্ৰমণ, হিন্দু শিক্ষকৰ হত্যা আৰু হিন্দু মহিলাক ধৰ্ষণৰ বিৰুদ্ধে দেশজুৰি প্ৰতিবাদ সাব্যস্ত কৰি চিটাগঙত উলিয়াইছে পদযাত্ৰা।
বাংলাদেশৰ এটা সংবাদ সংস্থাৰ মতে
নাৰেল চাহাপাৰাত হিন্দুসকলৰ ওপৰত হোৱা বৰ্বৰ মৌলবাদী আক্ৰমণৰ বিৰুদ্ধে সমগ্ৰ দেশৰ বিভিন্ন হিন্দু সংগঠনে শান্তিপূৰ্ণ প্ৰতিবাদ সাব্যস্ত কৰিছিল। ইয়াৰ পূৰ্বে বাংলাদেশৰ গৃহমন্ত্ৰী আছাদুজ্জমান খানে কয় যে দেশখনত সাম্প্ৰদায়িক সম্প্ৰীতি বিঘ্নিত কৰা সকলৰ বিৰুদ্ধে চৰকাৰে কঠোৰ ব্যৱস্থা গ্ৰহণ নিশ্চিত কৰিব।
বাংলাদেশ ৰাষ্ট্ৰীয় মানৱ অধিকাৰ আয়োগে আভ্যন্তৰীণ মন্ত্ৰালয়ক আক্ৰমণৰ তদন্ত কৰিবলৈ আৰু সেইবোৰ প্ৰতিৰোধ কৰাৰ ক্ষেত্ৰত কি অৱহেলা কৰা হৈছিল নিৰ্ধাৰণ কৰিবলৈ নিৰ্দেশ দিছে। NHRC-য়ে এইটোও কৈছিল যে এখন ধৰ্মনিৰপেক্ষ দেশত হিংসা কোনো পৰিস্থিতিতে গ্ৰহণযোগ্য নহয়।
১৫ জুলাইত নাৰেলৰ লোহাগাদাৰ চাহাপাৰাত কিছু লোকে হিন্দু সংখ্যালঘুলোকৰ ঘৰত অগ্নিসংযোগ কৰিছিল। আক্ৰমণৰ পিছত, কোৱা হৈছিল যে এজন ১৮ বছৰীয়া যুৱকে ফেচবুকত তেওঁলোকৰ ধৰ্মীয় অনুভূতিক আঘাত কৰিছিল।
স্থানীয় লোকসকলৰ মতে, এই পোষ্টটো গাওঁখনৰ এগৰাকী ১৮ বছৰীয়া মহাবিদ্যালয়ৰ ছাত্ৰ আকাশ সাহাই ছ’চিয়েল মিডিয়াত কৰিছিল। প্ৰতিবাদকাৰীসকলে নামাজৰ পিছত একত্ৰিত হৈছিল আৰু গ্ৰেপ্তাৰৰ দাবীত ছাত্ৰজনৰ ঘৰৰ সন্মুখত প্ৰতিবাদ আৰম্ভ কৰিছিল আৰু সৰ্বশেষত সংখ্যালঘুসকলৰ ঘৰত উপস্থিত হৈ ঘৰবোৰত অগ্নি সংযোগ কৰা হৈছিল।
