আজি ভাৰতীয় নৌসেনাৰ বাবে এক গুৰুত্বপূৰ্ণ দিন। প্ৰথম থলুৱা বিমান বাহক INS বিক্ৰান্তক নৌসেনাত অন্তৰ্ভুক্ত কৰা হৈছে। কোচিন শ্বিপইয়ৰ্ডত নিৰ্মাণ কৰা এই বিমান বাহক ২০,০০০ কোটি টকা ব্যয়েৰে নিৰ্মাণ কৰা হৈছে। এই জাহাজখনৰ আনুষ্ঠানিক অন্তৰ্ভুক্তিৰ ফলত নৌসেনাৰ শক্তি দুগুণ বৃদ্ধি হ’ব।
প্ৰধানমন্ত্ৰী শ্ৰী নৰেন্দ্ৰ মোদীয়ে কেৰালাৰ কোচিনত ভাৰতীয় নৌসেনাক INS বিক্ৰান্ত উৎসৰ্গা কৰে। প্ৰধানমন্ত্ৰীয়ে কয় যে বিশ্বত ভাৰতৰ মনোবল উচ্চ। INS বিক্ৰান্ত কেৱল এখন যুদ্ধ জাহাজ নহয়, এয়া আমাৰ সকলো ভাৰতীয়ৰ গৌৰৱ।
“বিক্ৰান্ত কেৱল যুদ্ধজাহাজ নহয়। এয়া একবিংশ শতিকাৰ ভাৰতৰ কঠোৰ পৰিশ্ৰম, প্ৰতিভা, প্ৰভাৱ আৰু প্ৰতিশ্ৰুতিৰ প্ৰমাণ। সমগ্ৰ ভাৰতে কেৰালাৰ উপকূলত এক নতুন ভৱিষ্যতৰ সূৰ্যোদয় প্ৰত্যক্ষ কৰিছে”।
“বিক্ৰান্ত হৈছে স্বাধীনতাৰ অমৃত মহোৎসৱৰ অতুলনীয় অমৃত। বিক্ৰান্ত আত্মনিৰ্ভৰশীল ভাৰতৰ এক অনন্য প্ৰতিফলন। এইয়া প্ৰতিজন ভাৰতীয়ৰ বাবে গৌৰৱৰ এক মূল্যৱান সুযোগ। এয়া হৈছে প্ৰতিজন ভাৰতীয়ৰ সন্মান, আত্মসন্মান বৃদ্ধি কৰাৰ এক সুযোগ। ইয়াৰ বাবে মই প্ৰতিজন ভাৰতীয়ক অভিনন্দন জনাইছো”।
“আজি ভাৰতে বিশ্বৰ দেশসমূহত যোগদান কৰিছে যিয়ে থলুৱা প্ৰযুক্তিৰে ইমান বৃহৎ বিমান বাহক নিৰ্মাণ কৰিছে। আজি INS বিক্ৰান্তে দেশখনক এক নতুন আত্মবিশ্বাসেৰে ভৰাই তুলিছে, দেশখনৰ ওপৰত এক নতুন আস্থা গঢ়ি তুলিছে। INS বিক্ৰান্ত থলুৱা সামৰ্থ্য, থলুৱা সম্পদ আৰু থলুৱা দক্ষতাৰ প্ৰতীক”।
“আজি ২ ছেপ্টেম্বৰ, ২০২২ ৰ ঐতিহাসিক তাৰিখত ইতিহাস পৰিৱৰ্তনকাৰী এক কাম কৰা হৈছে। যেতিয়া INS বিক্ৰান্তে আমাৰ সামুদ্ৰিক অঞ্চলৰ সুৰক্ষাৰ বাবে অৱতৰণ কৰিব, তেতিয়া নৌসেনাৰ বহুতো মহিলা সৈনিককো নিয়োজিত কৰা হ’ব। সাগৰৰ অপৰিসীম শক্তিৰ সৈতে, অসীম নাৰী শক্তি নতুন ভাৰতৰ উচ্চ পৰিচয় হৈ পৰিছে “।
