জাপানৰ এজন মানুহে নিজকে জন্তুৰ দৰে দেখিবলৈ বিচৰা তেওঁৰ জীৱনজোৰা সপোন পূৰণ কৰিছে। টুইটাৰ ব্যৱহাৰকাৰী @toco_eevee টুইটাৰত নিজৰ ফটো পোষ্ট কৰিছে যিয়ে ইণ্টাৰনেটত এতিয়া খলকনিৰ সৃষ্টি কৰিছে। তেওঁ নিজকে “কলী” নামৰ কুকুৰৰ প্ৰজাতিলৈ ৰূপান্তৰ কৰাটো জেপ্পেট নামৰ এটা পেছাদাৰী সংস্থাৰ দ্বাৰা সম্ভৱ হৈছিল।
জেপ্পেটে চলচ্চিত্ৰ, বিজ্ঞাপন, মনোৰঞ্জন সুবিধাৰ বাবে বৃহৎ সংখ্যক ভাস্কৰ্য প্ৰদান কৰে আৰু লগতে টিভিত দেখা পোছাক আৰু জাপানৰ বিখ্যাত শুভংকৰ চৰিত্ৰৰ পোছাক প্ৰস্তুত কৰে।
স্থানীয় জাপানীসকলৰ মতে এই সমগ্ৰ পোছাকৰ মূল্য ১২ লাখ টকা (২ নিযুত য়েন)তকৈ অধিক আছিল বুলি অনুমান কৰা হৈছে আৰু নিৰ্মাণ কৰিবলৈ ৪০ দিন লাগিছিল।
ব্যক্তিগৰাকীয়ে কৈছিল যে মোৰ প্ৰিয় হৈছে চতুৰ্ভুজ জন্তু, বিশেষকৈ মৰমলগা জন্তু। সেয়েহে মই কুকুৰ বনোৱাৰ সিদ্ধান্ত লৈছিলো।
সাক্ষাৎকাৰ লওঁতাই তেওঁক সুধিছিল যে তেওঁ তেওঁৰ হাত-ভৰি মুক্তভাৱে লৰচৰ কৰিব পাৰিবনে? উত্তৰত তেওঁ কৈছিল, “প্ৰতিবন্ধকতা আছে. অৱশ্যে, যদি আপুনি ইয়াক অত্যাধিক লৰচৰ কৰে, ই কুকুৰৰ দৰে নহ’ব।”
ব্যক্তিগৰাকীৰ নিজা ইউটিউব চেনেল আছে য’ত এটা ভিডিঅ’ত তেওঁ দৰ্শকসকলক এই ভিডিওৰ বাবে অনুৰোধ কৰি থকা দেখা গৈছে ।
